Reiníciate - Dixitaliza a túa empresa

A Deputación de Lugo pon en marcha unha nova iniciativa dentro do Plan de Impulso da Economía da provincia. Logo do Bono Impulso no que trataron de fomentar o consumo, queren que as pequenas  empresas e autónomos da provincia, dean un paso máis de carácter cualitativo e cuantitativo na súa xestión a través da dixitalización, fundamental para o seu mantemento no futuro.

Nesta ocasión xunto coa Escola de Organización Industrial (EOI), lanzan o Programa REINÍCIATE: DIXITALIZA A TÚA EMPRESA.

Este proxecto componse de 16 programas divididos en dúas fases cun fin común: a Dixitalización das empresas.

Na primeira fase levaranse a cabo os seguintes desafíos:

Cada desafío ten unha duración de 3 meses (novembro-xaneiro). O programa inclúe sesións presenciais e telemáticas co obxectivo de realizar unha boa diagnose da situación particular de cada empresa, impartir a formación e desenvolver un acompañamento real de cada unha para responder ás súas necesidades específicas

Cada participante terá asignado un profesional que será o seu mentor ó longo do programa. El será o encargado de realizar a avaliación inicial e de establecer o plan de traballo en función das necesidades detectadas.

As accións prácticas que se levarán a cabo serán, entre outras, as seguintes:

✔  Realización ou actualización da páxina web

✔  Creación ou mellora das redes sociais

✔  Posicionamento na rede

✔  Marketing dixital

✔  Asesoramento en programas de Xestión e Facturación

O prazo de inscrición xa está aberto e pódese formalizar na web: lugoformaciondigital.es

Móvil: 672 063 331

Email: digitalizacionpymeslugo@eoi.es

Web: www.lugoformaciondigital.es